ທ່ານ ປອ ວິໄລວົງ ບຸດດາຄຳ ເຈົ້າແຂວງ ແຂວງ ຈຳປາສັກພ້ອມດ້ວຍຄະນະໄດ້ມາຢ້ຽມຍາມທີ່ສຳນັກງານໃຫຍ່ຂອງບໍລິສັດ IHC.

ໃນຕອນເຊົ້າຂອງ ວັນທີ 2 ສິງຫາ 2021 ທີ່ຜ່ານມາ ທ່ານ ປອ ວິໄລວົງ ບຸດດາຄຳ ເຈົ້າແຂວງ ແຂວງ ຈຳປາສັກພ້ອມດ້ວຍຄະນະໄດ້ມາຢ້ຽມຍາມທີ່ສຳນັກງານໃຫຍ່ຂອງບໍລິສັດ IHC. ເຊິ່ງປະທານບໍລິສັດໄດ້ສະແດງຄວາມຍິນດີ ແລະ ຕ້ອນຮັບຢ່າງອົບອຸ່ນຕໍ່ການມາຂອງທ່ານເຈົ້າແຂວງ ແຂວງຈຳປາສັກ ພ້ອມຄະນະ.

ປະທານບໍລິສັດ IHC ໄດ້ລາຍງານສະພາບການໂດຍລວມ ແລະ ຜົນງານຂອງບໍລິສັດທີ່ໄດ້ຊ່ວຍເຫຼືອສັງຄົມໃນຊ່ວງໄລຍະທີ່ຜ່ານມາ, ທ່ານເຈົ້າແຂວງ ໄດ້ຮັບຮູ້ ແລະ ເຫັນດີຢ່າງຍິ່ງ ໃນແນວທາງການພັດທະນາຂອງບໍລິສັດ ແລະ ຄວາມຮັບຜິດຊອບຊ່ວຍເຫຼືອຕໍ່ສັງຄົມ. ພ້ອມດຽວກັນນັ້ນ ທ່ານເຈົ້າແຂວງກໍໄດ້ມອບໃບຢັ້ງຢືນກຽດຕິຄຸນໃຫ້ແກ່ບໍລິສັດເພື່ອເປັນການສະແດງຄວາມຂອບໃຈຕໍ່ການສະໜັບສະໜູນຂອງບໍລິສັດຕະຫຼອດມາ.