Vang Vieng New Area project

ບໍລິສັດ ພັດທະນາເຂດໃໝ່ວັງວຽງລາວ ຈໍາກັດ (ຕໍ່ໄປເອີ້ນວ່າ: ບໍລິສັດໂຄງການ) ແມ່ນສ້າງຕັ້ງຂຶ້ນຈາກການຮ່ວມທຶນຂອງ AMPLE RAY (HONGKONG) LIMITED, ບໍລິສັດ ການລົງທຶນ YANGPU HONGFAN LIMITED ແລະ ບໍລິສັດ ທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ; ເພື່ອຮັບຜິດຊອບການຊອກຫາແຫຼ່ງທຶນ, ການກໍ່ສ້າງ ແລະ ວຽກການບໍລິຫານການດໍາເນີນທຸລະກິດ ຂອງໂຄງການພັດທະນາເຂດໃໝ່ວັງວຽງ (ຕໍ່ໄປເອີ້ນວ່າ: ໂຄງການ​ເຂດ​ໃໝ່ວັງວຽງ). ພາຍໃຕ້ການເປັນສັກຂີພິຍານຂອງ ທ່ານຮອງນາຍົກລັດຖະມົນຕີ ແຫ່ງ ສປປ ລາວ, ລັດຖະມົນຕີ ກະຊວງແຜນການ ແລະ ການລົງທຶນ, ໄດ້ມີການເຊັນ ບົດບັນທຶກຄວາມເຂົ້າໃຈ ລະຫວ່າງ ລັດຖະບານແຫ່ງ ສປປ ລາວ ຕາງໜ້າໂດຍ ກະຊວງແຜນການ ແລະ ການ​ລົງ​ທຶນ ແລະ ບໍລິສັດຂ້າພະເຈົ້າ ໃນວັນທີ 08 ມີຖຸນາ 2018.

ໂຄງການເຂດ​ໃໝ່ວັງວຽງ ຕັ້ງຢູ່ເບື້ອງຕາເວັນຕົກຂອງສາຍນ້ຳຊອງ, ເມືອງວັງວຽງ, ແຂວງວຽງຈັນ, ມີເນື້ອທີ່ປະມານ 70 ກິໂລຕາແມັດ, ມູນຄ່າການລົງທຶນທັງໝົດປະມານ 5.5 ຕື້ໂດລາສະຫະລັດ. ເຂດໂຄງການມີ 3 ດ້ານຖືກອ້ອມຮອບດ້ວຍສາຍພູຜາ ແລະ ອີກ 1 ດ້ານແມ່ນຕິດກັບສາຍນໍ້າຊອງ, ເປັນເຂດທີ່ມີທໍາມະຊາດສວຍສົດງົດງາມ, ທັງເປັນເຂດຮວງຈຸ້ຍທີ່ດີເລີດ.

ໂດຍອີງໃສ່ສະພາບຄຸນລັກສະນະພິເສດ ແລະ ເງື່ອນໄຂດ້ານ​ພູມ​ສັນ​ຖານ, ອີງຕາມສະພາບການພັດທະນາ ແລະ ທິດທາງການນຳໃຊ້ທີ່ດິນເພື່ອການພັດທະນາໃນໄລຍະຍາວ​ຂອງ​ໂຄງ​ການ​ເຂດ​ໃໝ່​ວັງ​ວຽງ, ບໍລິສັດແມ່ນຈະໄດ້ອີງຕາມເງື່ອນໄຂສະເພາະຂອງການກໍ່ສ້າງຕົວເມືອງໃໝ່ ອອກແບບເທື່ອດຽວທົ່ວເຂດໂຄງການ ແລ້ວແບ່ງເປັນຫຼາຍໄລຍະໃນການພັດທະນາໂຄງການ, ພາຍໃຕ້ຫົວຂໍ້ “ປົກປັກຮັກສາທຳມະຊາດຂອງເມືອງວັງວຽງ”. ການວາງແຜນຜັງໂຄງສ້າງຂອງເຂດໂຄງການ​ເຂດໃໝ່ວັງວຽງແມ່ນ: “2 ແກນ 7 ເຂດການພັດທະນາ”; ເຊິ່ງຄວາມໝາຍຂອງ “2 ແກນ” ໝາຍເຖິງ: ແກນການພັດທະນາການທ່ອງທ່ຽວທາງທຳມະຊາດຕາເວັນອອກ - ຕາເວັນຕົກ ແລະ ແກນການພັດທະນາການພົວພັນດ້ານເສດຖະກິດເໜືອ - ໃຕ້. ສ່ວນ “7 ເຂດ” ໝາຍເຖິງ: ການວາງເຂດໃຫຍ່ໃນການພັດທະນາທັງ 7 ເຂດຄື: ເຂດກໍ່ສ້າງໄລຍະທຳອິດ, ເຂດສໍາຜັດກິດຈະກໍາກາງແຈ້ງ, ເຂດສູນກາງການຄ້າສາກົນ, ເຂດພັກຜ່ອນຟື້ນ​ຟູ​ສຸ​ຂະ​ພາບສາກົນ, ເຂດແລກປ່ຽນວັດທະນະທໍາພຸດທະສາສະໜາ, ເຂດປ່າໄມ້ພືດນາໆພັນ ແລະ ເຂດພັກຜ່ອນຕາກອາກາດແບບທົ່ງນາ. ບໍ່ພຽງແຕ່ຕອບສະໜອງຄວາມຕ້ອງການດ້ານການຢູ່, ການກິນ, ການທ່ຽວ, ການພັກຜ່ອນຂອງປະຊາຊົນ ແລະ ນັກທ່ອງທ່ຽວເທົ່ານັ້ນ, ຍັງສາມາດເປັນການແລກປ່ຽນ ແລະ ການເຜີຍແຜ່ທາງດ້ານວັດທະນະທໍາອີກດ້ວຍ.

ໂຄງການເຂດ​ໃໝ່ວັງວຽງ ຈະແບ່ງການກໍ່ສ້າງອອກເປັນ 5 ໄລຍະ, ລວມໄລຍະການກໍ່ສ້າງທັງໝົດ 29 ປີ; ຫຼັງຈາກກໍ່ສ້າງແລ້ວ ໂຄງການ​ເຂດ​ໃໝ່ວັງວຽງ ຈະມີປະຊາກອນປະມານ 135,600 ຄົນ, ຈະມີນັກທ່ອງທ່ຽວປະມານ 9 ລ້ານເທື່ອຄົນຕໍ່ປີ. ເຂດໃໝ່ວັງວຽງ ທີ່ປາກົດຕໍ່ສາຍຕານັກທ່ອງທ່ຽວໃນທົ່ວໂລກຈະເປັນເມືອງທີ່ພຽບພ້ອມໄປດ້ວຍສິ່ງອຳນວຍຄວາມສະດວກເຊັ່ນ: ນໍ້າປະ​ປາ, ໄຟຟ້າ, ຖະໜົນຫົນທາງ, ການສື່ສານ,​ ແກັດ​ທຳ​ມະ​ຊາດ, ເສັ້ນທາງລົດລາງ, ສະໜາມບິນ, ໂຮງຮຽນ, ໂຮງໝໍ, ຫໍວາງສະແດງ, ​ວັດວາອາຣາມ, ສູນຟື້ນ​ຟູ​ສຸ​ຂະ​ພາບ,​ ສະຖານທີ່ພັກຜ່ອນ ແລະ ອື່ນໆ; ມີຂະແໜງທຸລະກິດທີ່ຄົບຖ້ວນ, ການຫຼອມເປັນອັນໜຶ່ງອັນດຽວທີ່ທັນສະໄໝລະຫວ່າງຕົວເມືອງ ແລະ ທຳມະຊາດ, ເປັນຕົວເມືອງສະຫຼາດແບບໃໝ່, ເຊິ່ງຈະການເປັນນາມບັດແຫ່ງການທ່ອງທ່ຽວຂອງ ສປປ ລາວ, ກາຍເປັນສວນຫຼັງບ້ານຂອງນະຄອນຫຼວງວຽງຈັນ, ເປັນເມືອງທ່ອງທ່ຽວລະດັບຊາດທີ່ມີເອກະລັກສະເພາະ, ເປັນສະຫວັນແຫ່ງການພັກຜ່ອນຂອງໂລກ.

ເປົ້າໝາຍການພັດທະນາເຂດໃໝ່ວັງວຽງຂອງບໍລິສັດໂຄງການຄື: ເຮັດໃຫ້ນັກທ່ອງທ່ຽວໃນທົ່ວໂລກມີພາບຄວາມຊົງຈຳທີ່ດີຕໍ່ກັບເຂດໃໝ່ວັງວຽງເຮັດໃຫ້ຢາກມາ, ບໍ່ຢາກຈາກ ແລະ ໄປແລ້ວກໍຍັງຢາກກັບມາ.